أسئلة شائعة وتواصل
عندك سؤال قبل ما تطلب؟ هون بتلاقي الأجوبة وطرق التواصل معنا.
عنواننا
🇸🇾 سوريا: حلب، الجابرية
🇹🇷 تركيا: بورصة، سوق الذهب
فيك تزورنا لتشوف القطع وتتأكد بنفسك قبل ما تطلب.
أسئلة شائعة
وين المحل؟ فيني إجي شوف وإدفع بإيدي؟
عنا فرعين: حلب (الجابرية) وبورصة (سوق الذهب). وإيه، إذا حابب تتأكد بنفسك فيك تزورنا وتدفع بالمحل.
الطلي الدهبي بيتغيّر لونو؟ في ضمان؟
القطعة نفسها فضة 925 أصلية. اللون الدهبي طلي فوق الفضة، وما عليه ضمان لأنو عمرو بيعتمد على طريقة العناية فيه، ومنعطيك إرشادات عناية مع قطعتك لتحافظ على لونها أطول وقت.
قديش الأسعار؟
السعر بيختلف حسب الموديل والشكل يلي بتختارو. كل موديل سعرو مكتوب بصفحتو، فيك تتصفح الموديلات وتختار يلي بيناسبك.
فيني شوف التصميم قبل ما إدفع؟
التصميم بياخد منا وقت وجهد وتكلفة، فمنبلّش فيه بعد العربون. بس اطمّن: ما منبلّش تصنيع لحتى توافق على التصميم، وبعد العربون منعدّل التصميم لحتى يعجبك. وإذا كانت فكرتك ما بتنعمل، منخبرك قبل وما منطلب منك عربون.
ما بثق إدفع عربون، بدي إدفع عند الاستلام
العربون (25%) ضروري لأنو كل قطعة بتنعمل خصيصاً إلك وباسمك. بعدها الباقي فيك تدفعو عند الاستلام بسوريا، مع زيادة 3$ لخدمة الدفع عند الاستلام.
كيف بدفع الرعبون؟
فيك تدفع الرعبون بشام كاش، أو بحوالة من أي مكتب (ومنقبلها بالسوري بما يعادل قيمة الرعبون)، أو بالمحل بحلب الجابرية، إنت أو حدا من طرفك. وإذا الرعبون كامل صعب عليك، الحد الأدنى 10$.
بيلحق لمناسبتي؟ عندي سفر
التصنيع بياخد 72 ساعة من موافقتك على التصميم، والتوصيل لعندك تقريباً 6 أيام كلها حسب محافظتك. وإذا مستعجل، في خيار «طلب مستعجل» بيقدّم طلبك على باقي الطلبات بزيادة 2$ — اذكرو وقت الطلب.
بتوصلو لمنطقتي؟
منوصّل لأغلب محافظات سوريا ما عدا دير الزور والرقة والسويداء، ولكل تركيا.
عندكن ذهب أو معدن تاني؟
لا، كل شغلنا فضة 925 أصلية.
ساعدوني إختار موديل
تصفّح الموديلات وشوف شو بيعجبك. وإذا ما لقيت يلي ببالك، اختار «فكرة خاصة» واكتبلنا فكرتك، ونحنا منأكدلك التفاصيل.
